Maoni

Wanasayansi Wanasema Tabasamu Hufanya Ukumbukwe Zaidi


Je! Unamkumbuka yule mtu uliyemwona kwenye sherehe akiwa amekunja sura na anaonekana kuwa na wasiwasi? Bila shaka jibu ni hapana.

Utafiti mpya unaonyesha kuwa kuna uwezekano mkubwa wa kumkumbuka mtu ikiwa sura yake inalingana na muktadha unaozunguka. Haijalishi wewe ni mnyonge kiasi gani, mara nyingi huwa ni ngumu kuepuka  nguvu ya tabasamu. Ni tabia ambayo binadamu anazaliwa nayo . Watoto huanza kutabasamu pindi wanapotimiza wiki 6-8, hata wale ambao wamezaliwa vipofu. Kwa hivyo ni muhimu kufahamu kuwa tabasamu sio kielelezo tu cha furaha bali huchukua sehemu kubwa katika muingiliano wetu kijamii.

 Tabasamu halijifichi

Jambo moja na la uhakika ni kuwa watu wengi tumekuwa tukitekwa na tabasamu. Utafiti umeonyesha kuwa sio tu sura zinazotabasamu zina nafasi kubwa ya kutuvutia, pia zinaashiria uaminifu , ujamaa, na umahiri tofauti na sura ya mtu ambayo ipo katika hali ya kawaida. Tuna uwezekano mkubwa zaidi wa kugundua nyuso zenye furaha. Kwa hivyo, ikiwa akili zetu huzipa kipaumbele zaidi nyuso zenye furaha, je! ni kweli jambo hili linaweza kuathiri kumbukumbu zetu pia?.

Kulingana na utafiti wa 2008, watafiti waligundua kuwa jambo hili linaweza kuwa na ukweli ndani yake.

Tabasamu Kwenye Sherehe na Watu Watakukumbuka Zaidi

Utafiti uliochapishwa mapema mwaka huu ulichunguza jinsi mazingira ya kijamii yanaathiri kumbukumbu zetu. Washiriki walionyeshwa picha za sura za watu zikiwa kwenye mazingira tofauti tofauti yale ya furaha na huzuni  kisha baadaye  wakapewa picha tu za watu pasi kuonesha mazinguira waliopo. Uchunguzi ulifuatiwa na wao kuulizwa wanakumbuka nyuso na ikiwa wangeweza kuoanisha uso na eneo la asili la hapo awali. Utafiti huo ulitoa matokeo ya kupendeza kwani Washiriki walikumbuka nyuso zenye furaha ambazo zilionekana kwenye mazingira ya furaha na hata zile zilizoonekana kwenye mazingira ya huzuni lakini zikiwa zinaonesha furaha zilitambuliwa kwa wingi. Nyuso zenye woga hazikuwa za kukumbukwa Zaidi.

Kwa hivyo inaonekana wazi. Sio tu kutabasamu hukufanya ujisikie vizuri, pia ni njia ya kuhakikisha haupotei kwenye kumbukumbu ya watu unaokutana nao. Hivyo kumbuka, unapotabasamu:

  • utaonekana kuvutia Zaidi
  • Utaonekana wa kipekee,
  • Utaonekana kuwa mahiri na muaminifu na kutakuwa na
  • uwezekano mkubwa wa kukukumbuka