Picha ya kusikitisha inaonyesha mtalii akipanda hadi ukingoni mwa Maporomoko ya Victoria ya Zimbabwe - muda mfupi tu kabla ya kuanguka na kufariki kutoka urefu wa futi  350 (zaidi ya mita 100), vyombo vya habari vya ndani vimeripoti.

Marehemu, Roy George Tinashe Dikinyay (40), alikuwa akifanya zamu na familia yake kupiga picha kutoka eneo la juu la maporomoko makubwa ya maji wakati ndipo alipoteleza na kuanguka, mashuhuda waliiambia gazeti la  Zimbabwe Newsday.

"Tulishtushwa na mayowe ya mwanamke huyo akituambia kwamba alikuwa ameteleza na kuanguka," mmoja  wa mashuhuda aliliambia gazeti hilo. Dikinya ambaye alikuwa amevaa viatu huku ameshikilia vitu kadhaa katika mkono wake wa kushoto kwenye picha hiyo.

 "Kwa sababu ya mvua na ukungu, hatukuweza kumtafuta baada ya tukio hilo," shahidi huyo alisema. Waokoaji na Mamlaka ya Hifadhi za Kitaifa na Wanyamapori nchini Zimbabwe walipata sehemu za mwili zimenaswa chini ya korongo, ambalo lina urefu wa futi 350, jarida la Chronicle limesema.

Sehemu za mwili "zimenaswa kati ya miamba," msemaji wa mamlaka hiyo, Tinashe Farawo, aliliambia jarida hilo. "Hatujaweza kumtambua vyema kutokana na eneo ambalo mwili wake umenaswa, lakini tuna hakika kuwa ni mwili wake," alisema.

"Hivi sasa tunazungumza na wataalamu wengine wa usalama pamoja na jeshi kujaribu kupata njia za kuuchukua mwili," alisema, na tuna njia moja ambayo ni kujaribu kutumia helikopta ya jeshi.

Waziri wa Utalii na Mazingira, Mangaliso Ndlovu alituma "salamu za pole" kwa familia ya mtalii huyo ambaye anatoka mji mkuu wa Zimbabwe Harare, zaidi ya maili 400 kutoka kwa maporomoko hayo, gazeti la The Herald, Zimbabwe lilieleza.

Hatujaweza kumtambua vyema kutokana na eneo ambalo mwili wake umenaswa, lakini tuna hakika kuwa ni mwili wake
- Tinashe Farawo

"Matukio kama haya huwa ni machache, yanasikitishana na ni bahati mbaya kushuhudiwa katika maporomoko makubwa ya Victoria," Ndlovu alisema, huku akiahidi "tahadhari zote muhimu zitachukuliwa ilikujilinda dhidi ya tukio baya kama hilo." Ni moja kati ya matukio machache ya hivi karibuni yanayohusisha watu kuanguka huku wakichukua picha kutoka kwenye maeneo hatari. Wiki chache zilizopita, mwanaume mmoja wa Brazil alikufa baada ya kuanguka kutoka kwenye maporomoko ya maji akichukua “selfie”.