Uchovu wa pombe kama ijulikanavyo na wengi "Hangover" humfanya mtu ajisikie uchovu baada ya kunywa kiasi kikubwa cha pombe.

Unapokunywa, pombe huingia kwenye damu yako.Hivyo kufanya mchanganyiko wa pombe na damu na kiasi cha pombe kikiwa kingi kwenye ndipo unapoanza kuhisi ulevi. Pindi ukiacha kunywa, kiwango hicho huanza kushuka na "hangover" huwa mbaya zaidi wakati kiwango hicho kinarudi sifuri na maranyingine  huweza kudumu  hata kwa masaa 24.

Hali hii huvumilika mara nyingi lakini wakati mwingine  huwa mbaya kiasi kwamba mtu huweza kulazwa hospitali kwa matibabu zaidi.

Ukweli ni kwamba hangovers sio jambo la kufurahisha. Unaweza kuugua maumivu ya kichwa, kutetemeka, maumivu ya tumbo na kuishiwa nguvu kabisa. Kabla ya kufikiria dawa za kupunguza maumivu na chakula chenye mafuta, ukweli ni kwamba hakuna kinachoweza kuzuia au kutibu hangover tiba sahihi  ni subira na muda kama utakunywa pombe kupita kiasi.

Hizi ni baadhi ya dhana potofu kuhusu "hangover":

Dhana #1: Pombe kali kabla ya bia

Katika maisha yako ya ulevi unaweza ukawa umesikia msemo huu lakini ukweli ni kwamba msemo huu hauna ukweli wowote .

Ni kiwango cha pombe unachokunywa na sio mpangilio wa vinywaji vyako ambacho ndicho muhimu zaidi. Mfano milimita 355 za bia, milimita 148 za mvinyo na milimita 44 za pombe kalizina kiwango sawa cha pombe hivyo usidanganyike na saizi ya kinywaji chako.

 Dhana #2: Shtua pombe kidogo baada ya kuamka

Kuongeza pombe baada ya kuamka haisaidii kitu zaidi ya kuongeza muda wa kuuguza Uchovu wa pombe.

Ukweli ni kwamba pombe itakufanya uzidi kukaukiwa maji mwilini ukizingatia kiasi cha pombe kinakuwa bado kinazunguka ndani ya damu yako.

Dhana #3: Lala Punde tu baada ya kulewa

Ukilewa pombe, kuamka ni jambo ambalo huwa ni  gumu sana siku inayofuata ingawa ndiyo njambo bora unalopaswa kufanya. Pombe hutoka mwilini kwa njia mbili: kukojoa na upumuaji. Kwa hivyo, inuka na utembee,kimbia na kunywa maji mengi.

Ukinywa pombe nyingi, tulia kidogo kabla ya kulala kwani pombe huendelea kunyonya unapolala na kuongeza kiwango cha pombe kwenye damu yako.

Dhana #4: Walevi pekee hupata “hangover”

Sio lazima ulewe sana ndo upate hangover asubuhi inayofuata. Vinywaji kadhaa tu vinaweza kusababisha maumivu ya kichwa na dalili zingine za hangover kwa watu wengine. Kunywa maji au kinywaji kisicho na kilevi wakati unaendelea kunywa itakusaidia kusawazisha kiwango cha pombe mwilini.

Dhana #5: Kunywa dawa za kupunguza Maumivu

Sio vizuri kunywa dawa yoyote wakati wa kunywa pombe.

Dawa nyingine hasa zile zilizo kemikali ya “acetaminophen” kama Tylenol kwani inaweza kusababisha uharibifu wa ini lako ambalo linakuwa tayari limejaa pombe. Hivyo ni vyema kusubiri hadi uamke asubuhi ndipo uchukue aina yoyote ya dawa ya maumivu.

Dhana #6: Kujitapisha

Hii haina tija kabisa. Watu wengi huamini njia hii ni sahii kwani hutapika kinywaji chochote kinachokuwa mwilini lakini ukweli ni kwamba pombe huwa tayari imeengia ndani ya damu hivyo kujitapisha ni kuendelea kujipunguzia maji mwilini bila kusahau athari zinazotokana na kujilazimisha kutapika.

 Dhana #7: Kahawa ni Tiba

Ukweli ni kwamba kafeini iliyopo ndani ya kahawa huminya mishipa yako ya damu na huweza kufanya “hangover” yako kuwa mbaya zaidi. Baada ya usiku wa ulevi, ni bora kunywa maji na “energy drinks” ili kukabiliana na upungufu wa maji mwilini na kukupa nguvu hasa ukiwa umetapika.