Habari Mpya
Habari
LHRC, 255 Global Radio, Twenzetu App, Anna Henga, Rebeca Gyumi, na Anna Mbawala wapokea tuzo zao za TDA
Kituo cha Sheria na Haki za Binadamu (LHRC), Kituo cha utangazaji cha 255 Global Radio, Twenzao App, Mkurugenzi wa Asasi ya kiraia ya Msichana Initiative, Rebeca Gyumi, Mtangazaji wa Global TV, Anna Mbawala kwa pamoja wamepokea tuzo zao za Tanzania Digital Awards (TDA) ambazo zilianzishwa mwaka 2020 nchini Tanzania na kampuni ya Serengeti Bytes kwa lengo la kutambua juhudi za watu binafsi, mashirika, kampuni pamoja na Serikali katika kutumia teknolojia ya kidigitali kuleta mabadiliko chanya katika jamii.Tuzo hizo zimetolewa leo Mei 24, 2022 jijini Dar es salaam na Mkurugenzi Mtendaji wa Serengeti Bytes, Kennedy Mmari pamoja na Afisa uendeshaji wa Serengeti Bytes, Michael Mallya.Mkurugenzi wa LHRC, Wakili Anna Henga pamoja na baadhi ya watumishi wa kituo hicho wamepokea tuzo hiyo baada ya LHRC kushinda katika kipengele cha uvumbuzi bora wa namna ya kufikisha Haki kwa kutumia teknolojia ya kidigitali (2021) kwa kutumia Aplikesheni yake ya Haki kiganjani.Pia, LHRC imepokea tuzo yake ya Mwaka 2020 ambayo ilishinda katika kipengele cha Azaki bora kwenye matumizi ya mitandao ya kijamii.Katua hatua nyingine, Aplikesheni ya usafiri ya Twenzao APP imepokea tuzo yake ya mwaka 2021 baada ya kushinda katika kipengele cha uvumbuzi bora wa kidigitali katika kurahisisha huduma za usafirishaji. Tuzo hiyo imepokelewa na mwanzilishi wa Twenzao App, Bw. Amo Mushumbusi pamoja na Afisa Mkuu uendeshaji wa Twenzao App, Bw. Amos Richard.Kituo cha Redio ya mtandaoni cha 255 Global Radio kilicho chini ya Global Group kimepokea tuzo yake ya mwaka 2021 iliyoshinda katika kipengele cha redio bora ya mtandaoni.Pia, mtangazaji wa Global TV, Anna Mbawala amepokea tuzo yake ya mwaka 2021 aliyoshinda katika kipengele cha mwanahabari bora wa kidigitali (Manamke).Pia, Mkurugenzi wa Asasi ya Kiraia ya Msichana Initiative, Rebeca Gyumi amepokea tuzo yake ya mwaka 2021 ya Kiongozi bora (mwanamke) kutoka Asasi za Kiraia kwenye matumizi bora ya mitandao ya kijamii hususani katika kutetea haki za wasichana nchini Tanzania. Aidha, Mkurugenzi wa LHRC, Wakili Anna Henga amepokea tuzo yake ya mwaka 2020 aliyoshinda katika kipengele cha Kiongozi bora (mwanamke) kutoka Asasi za Kiraia kwenye matumizi bora ya mitandao ya kijamii.
Rais Yahya Jammeh kushtakiwa kwa mauji, ubakaji, utekaji wa raia kwa kutumia kikosi chake cha usalama
Serikali ya nchi ya Gambia imetangaza kumfungulia mashtaka ya mauaji, ubakaji,utekaji na utesaji wa raia, ufisadi, rushwa na makosa mengine aliyekuwa Rais wa nchi hiyo, Bw. Yahya Jammeh. Makosa hayo aliyatenda akiwa madarakani kati ya mwaka 1994 hadi 2017.Akitoa taarifa hiyo jana Mei 25, 2022, Waziri wa Sheria wa nchi hiyo amesema kuwa serikali imepokea mapendekezo ya ripoti ya Kamati ya ukweli, maridhiano na uponyaji na kukubali kuyatekeleza mambo 263 kati ya 265 yaliyopendekezwa ikiwa ni pamoja na kumshtaki kiongozi huyo aliyepo uhamishoni nchini ‘Equatorial Guinea.’Waziri huyo wa sheria amesema kuwa wengine watakaoshtakiwa sambamba na Jammeh ni aliyekuwa Makamu wa Rais wa nchi hiyo, Isatou Njie-Saidy na pamoja na washirika wake wengine wa karibu wakiwepo wanausalama waliokuwa kwenye kikosi cha Jammeh kilichohusika na utekaji na utesaji na mauaji huku kikijulikana kama “Junglers hit squad.”Katika ripoti hiyo iliyokabidhiwa kwa Rais Adam Barrow na kuwekwa hadharani mnamo mwezi Disemba 2021 ilitumia muda wa miaka 2 kukamilisha kukusanya uchunguzi na ushahidi wa wahanga wa Utawala wa Rais Jammeh akiwa madarakani. Aidha, ikumbukwe kuwa Rais Jammeh yupo uhamishoni katika nchi ambayo haina mkataba wa kubadilishana wahalifu na nchi yake ya Gambia, hivyo wananchi wanahoji Je, itakuwaje kumpata ili aje kuwajibishwa?
Rais Yahya Jammeh kushtakiwa kwa mauji, ubakaji, utekaji wa raia kwa kutumia kikosi chake cha usalama
Serikali ya nchi ya Gambia imetangaza kumfungulia mashtaka ya mauaji, ubakaji,utekaji na utesaji wa raia, ufisadi, rushwa na makosa mengine aliyekuwa Rais wa nchi hiyo, Bw. Yahya Jammeh. Makosa hayo aliyatenda akiwa madarakani kati ya mwaka 1994 hadi 2017.Akitoa taarifa hiyo jana Mei 25, 2022, Waziri wa Sheria wa nchi hiyo amesema kuwa serikali imepokea mapendekezo ya ripoti ya Kamati ya ukweli, maridhiano na uponyaji na kukubali kuyatekeleza mambo 263 kati ya 265 yaliyopendekezwa ikiwa ni pamoja na kumshtaki kiongozi huyo aliyepo uhamishoni nchini ‘Equatorial Guinea.’Waziri huyo wa sheria amesema kuwa wengine watakaoshtakiwa sambamba na Jammeh ni aliyekuwa Makamu wa Rais wa nchi hiyo, Isatou Njie-Saidy na pamoja na washirika wake wengine wa karibu wakiwepo wanausalama waliokuwa kwenye kikosi cha Jammeh kilichohusika na utekaji na utesaji na mauaji huku kikijulikana kama “Junglers hit squad.”Katika ripoti hiyo iliyokabidhiwa kwa Rais Adam Barrow na kuwekwa hadharani mnamo mwezi Disemba 2021 ilitumia muda wa miaka 2 kukamilisha kukusanya uchunguzi na ushahidi wa wahanga wa Utawala wa Rais Jammeh akiwa madarakani. Aidha, ikumbukwe kuwa Rais Jammeh yupo uhamishoni katika nchi ambayo haina mkataba wa kubadilishana wahalifu na nchi yake ya Gambia, hivyo wananchi wanahoji Je, itakuwaje kumpata ili aje kuwajibishwa?
SIASA
Habari Maarufu
Habari za Burudani
Habari za Michezo
Habari za Afya
Habari Zaidi
Jerry Silaa aishtumu TANROADS kumpa tenda ya BRT 3 mkandarasi Siyno Hydro, aangusha kilio Bungeni
Mbunge wa Ukonga, Jerry Silaa amelaumu Wakala wa barabara Tanzania (TANROADS) kwa kumpa kwa upendeleo kazi ya ujenzi wa barabara ya kasi mkandarasi wa Siyno Hydro huku mkandarasi huyo akiwa na miradi mingi ambayo anatekeleza kwa kusuasua.Mbunge Silaa ameyasema hayo leo Mei 23, 2022 bungeni Dodoma wakati akichangia kwenye makadirio ya bajeti ya Wizara ya Ujenzi na Uchukuzi.Katika mchango wake, mbunge Silaa amenukuu kipande cha hotuba ya Rais Samia Suluhu Hassan Mwezi disemba 2021, wakati Rais huyo akizindua awamu ya pili ya ujenzi wa barabara ya mabasi yaendayo kasi (BRT), “Mwezi juni nadhani nilifanya ziara ndani ya wilaya ya Temeke, lakini nikapita pia katika barabara ya BRT na nikakuta ubovu ambao waziri umeutaja na nikaeleza hatua zichukuliwe.Kwahiyo niombe sana viongozi wa wilaya, halmashauri mlioko huko muwe macho lakini wakati mwingine nao sisi serikali tuna tatizo kwa sababu unaweza kukuta mkandarasi mmoja mkandarasi mmoja ana kazi nne, tano kwa wakati mmoja. Siyno Hydro utaikuta kwenye Hydro power kule Nyerere, Siyno Hydro utaikuta kwenye BRT, Siyno Hydro ipo msalato, Siyno Hydro iko maji, Siyno Hydro iko kule kwenye umeme, sasa mkandarasi mmoja katika maeneo yote hayo lazima atavuruga, kwahiyo mnaotoa tenda hizi nanyi muwe makini kuangalia nani yuko tayari kujenga miradi tunayo wapa.” Samia Suluhu HassanMbunge huyo aliendelea kueleza namna Siyno Hydro anavyoshindwa kutekeleza miradi kwa wakati huku ikiwa chini ya ubora, “Mheshimiwa Spika Waziri alikuwepo, TANROADS walikuwepo, na Siyno Hydro walikuwepo, wakati mheshimiwa Rais anasema nadhani wenzetu mioyoni walikuwa wanasema Mama sema haraka umalize kwani siyo kazi nne, tano tunaenda kumpa kazi ya sita.Mheshimiwa Spika, Siyno Hydro amepewa mradi wa awamu ya tatu ya mabasi yaendayo kasi kutoka Ngongo la mboto hadi kariakoo. Mkandarasi huyu ambaye kilomita 2.5 zimetinduka, zimeweka ufa kule Mbagala, mkandarasi huyu asiyelipa wafanyakazi, mkandarasi huyu asiyelipa wazabuni ameenda kuongezewa kazi nyingine,” Jerry SilaaHuku akiitupia lawama TANROADS, mbunge huyo amebainisha namna TANROADS walivyohusika na mchakato mzima wa kuandaa tenda hiyo ili Siyno Hydro waipate kwa upendeleo,“Sheria za manunuzi sura ya 410 ya mwaka 2011, TANROADS ndiyo procurement entity, ndiyo anaandaa nyaraka za zabuni, ndiyo anaandaa sifa za muombaji, mmetunga mtihani wenyewe, mmempa majibu wenyewe, mmehakikisha ameshinda, Rais ametoa kauli lakini bado mmeenda kumpa kazi, mnataka nchi iende namna gani?,” Silaa, ameongezaAidha, wakati wa kumalizia kuchangia hoja hizo, mbunge silaha amelaumu majibu yasiyoridhisha kutoka serikali huku akiangua kilio. Pia, ameeleza nia yake ya kushikilia shilingi ya mshahara wa Waziri pamoja na fungu la TANROADS katika bajeti hiyo ya mwaka wa fedha 2022/2023.
Rais Samia Kupokea Tuzo ya mwaka ya Babacar Ndiaye
Rais wa Jamhuri ya Muungano wa Tanzania, Samia Suluhu Hassan anatarajiwa kupokea tuzo ya mwaka ya Babacar Ndiaye ambayo inatolewa kila mwaka na Mkutano mkuu wa Benki ya AFDB. Rais Samia anapokea amepewa tuzo hiyo kufuatia mafanikio ya awamu ya sita katika ujenzi wa miundombinu ya usafirishaji ambayo hutolewa kwa mkuu wa iliyofanya vizuri zaidi.Hayo yamesemwa Katika taarifa ya leo Mei 23, 2022 kutoka Ikulu ya Chamwino, Dodoma iliyotolewa na Kaimu Mkurugenzi wa Mawasiliano ya Rais Ikulu, Jaffar Haniu. Taarifa hiyo imesema kuwa; “Rais Samia anatarajia kuondoka leo mei 23, 2022 kuelekea nchini Ghana kwa ziara ya kikazi ya siku tatu nchini humo. Akiwa nchini Ghana anategemewa kushiriki mdahalo wa wakuu wa nchi utakaojadili fursa zilizomo na changamoto zinazozikabili nchi za Afrika ikiwa ni pamoja na kuongezeka kwa athari za mabadiliko ya tabia nchi, kupanda kwa bei ya vyakula na matumizi ya nishati endelevu,” Jaffar Haniu
Uwezo wa Serikali na Uongozi wa Kisiasa Pekee Haviwezi Kumaliza Janga la UVIKO-19, Mganga Mkuu wa Serikali
Mganga Mkuu wa Serikali, Dk. Aifello Sichwale ametoa rai kudumishwa kwa juhudi za pamoja baina ya serikali na mashirika yasiyo ya kiserikali katika kukabiliana na janga la UVIKO-19 nchini Tanzania. Akizungumza wakati wa uzinduzi wa mkutano huo ulioandaliwa na shirika la My Legacy na kufanyika jijini Dar es Salaam kuanzia Jumanne Mei 17 hadi Ijumaa Mei 20, Dkt. Sichwale alisema licha ya ukweli kwamba watu wengi wamechoka kusikia kuhusu UVIKO-19, bado janga hilo lipo. Amewataka Watanzania kuendelea kuchukua tahadhari ili kupunguza kuenea kwa maambukizi ya UVIKO-19 mbali na kwamba jamii imeikubali na kuizoea hali hiyo mpya. Dk. Sichwale amesisitiza juu ya umuhimu wa ushirikiano wa wadau na kutumia mbinu za kiujumla badala ya kutegemea uwezo wa kiserikali na uongozi wa kisiasa pekee katika kukabiliana na janga la UVIKO-19. "Lazima tukumbuke kuwa UVIKO-19 ni janga la kibinadamu ambalo linahitaji mshikamano wa sekta zote katika jamii. [Hata hivyo] Kulinda na kukuza ustawi wa afya ya binadamu haliwezi kuwa suala la Wizara ya Afya pekee. Inahitaji mshikamano wa jamii nzima kwani afya ikiwa hatarini, kila kitu huwa hatarini. Lakini afya ikilindwa na kukuzwa, watu binafsi, familia, jamii, uchumi, na mataifa yanaweza kusitawi.” Alisema Dk. Sichwale. Sambamba na wito huo, Mganga Mkuu wa Serikali ilipongeza juhudi za wadau mbalimbali ikiwemo mashirika yasiyo ya kiserikali kama vile My Legacy na Amref Tanzania ambao waliandaa hafla hiyo kwa kuunga mkono serikali katika kukomesha kuenea kwa janga UVIKO-19. "Mashirika yasiyo ya kiserikali, sekta binafsi, na mtu mmoja mmoja wana jukumu la kutekeleza mikakati ya kupunguza idadi ya watu wanaopata ugonjwa wa UVIKO-19, vifo, na athari za kijamii na kiuchumi. Serikali itaendelea kuweka mazingira wezeshi kwa washirika kufanya kazi. Pia itaratibu juhudi za wadau kutoka sekta mbalimbali zikiwemo asasi za kiraia ambazo ni mshirika muhimu wa serikali.” Aliongeza Dk. Sichwale. Bi. Fortunata Temu, Mwanzilishi na Mkurugenzi Mtendaji wa taasisi ya My Legacy ambao ndiyo waandaaji wakuu wa mkutano huo amesema kwamba hatua hii imelenga kusaidia juhudi za serikali zinazofanywa na Wizara ya Afya katika mapambano ya kuzuia kusambaa kwa maambukizi ya virusi vya korona nchini. “Kwa siku za hivi karibuni, watu wengi wamejisahau kufuata hatua za kudhibiti na kujilinda na maambukizi ya UVIKO-19. Katika akili zetu tunapaswa kuelewa kuwa ugonjwa huu haujaisha na hivyo tunapaswa kuendelea kuishi nao ila kwa kuchukua tahadhari zote. Ugonjwa wa UVIKO-19 bado upo licha za juhudi mbalimbali za kukabiliana nao kuchukuliwa. My Legacy na washirika wetu kama AMREF Tanzania na Global Fund tumeamua kushirikiana ili kuunga mkono juhudi za serikali na wadau wengine kuhakikisha kuwa kila raia nchini anakuwa salama dhidi ya maambukizi ya virusi vya korona.” Bi. Fortunata Temu alinukuliwa. Bi. Fortunata Temu (katikati), Mwanzilishi na Mkurugenzi Mtendaji wa shirika la My Legacy akizungumza na washiriki wakati wa ufunguzi wa mkutano huo. Jumla ya washiriki 100 kutoka makundi mbalimbali, wajumbe 50 kutoka kwenye Asasi za Kiraia, wajumbe 5 kutoka kwenye vyombo vya maamuzi na wajumbe 25 wakiwa ni watu wenye ushawishi ndani na nje ya mkoa wa Dar es salaam walijengewa uwezo kuhusu masuala mbalimbali yanayohusu janga la UVIKO-19 ikijumuisha uelewa juu ya ugonjwa huo, mbinu za kukabiliana nao, na namna ya kupunguza athari zitokanazo na janga hilo. Kwa mujibu wa taarifa ya Serikali iliyotolewa na Wizara ya Afya, tangu mwezi Machi 2020, Tanzania ilipokumbwa na janga la UVIKO-19 mpaka mwezi Mei 2022, Tanzania imesajili jumla ya visa 33,916 vya korona huku vifo vikiwa 803. Pia, jumla ya watu 4,110,884 wamepata chanjo.
Mali yatangaza kuyaondoa majeshi yake katika kikosi cha nchi 5 za ukanda wa sahara kilichoundwa kupambana na ugaidi
Nchi ya Mali imetangaza kuanza kuyaondoa majeshi yake katika kikosi cha pamoja cha nchi 5 ambazo ni Mali, Niger, Chad, Burkina Faso na Mauritania maarufu kama (G5 Sahel force) kilichokuwa kimeundwa mwaka 2017 mahususi kwa ajili ya kupambana na vikundi vya kigaidi katika ukanda huo wa jangwa la Sahara.Taarifa hiyo imetolewa leo Mei 16, 2022, Bamako na serikali ya kijeshi ya Mali inayoongozwa na Rais Kanali Assimi Goita huku ikitaja sababu kubwa ya kufanya hivyo ni pamoja na ukosefu wa pesa za kuendelea kuendesha oparesheni hiyo pamoja na kushindwa kudhibiti matukio hayo ya kigaidi huku yakionekana kuongezeka zaidi. Hatua hiyo imeendelea kuonekana kuiweka kwenye mazingira magumu ya kiusalama nchi ya Mali ambayo miezi kadhaa ilitangaza kuvunja ushirikiano wake wa kijeshi na nchi za umoja wa ulaya ikiwepo Ufaransa ambaye ni hapo mwanzo alikuwa mshirika wake mkubwa.
LHRC yaunga mkono msimamo wa Spika Dkt. Tulia juu ya kutowafukuza wabunge 19 wa viti maalumu, Mahakama Kuu yapigilia Msumari
Kituo cha Sheria na Haki za Binadamu (LHRC) kimetolea ufafanuzi wa hatua iliyochukuliwa na Spika Dkt. Tulia Ackson wa kutotangaza kuwafukuza wabunge 19 wa viti maalumu baada ya kufutwa uanachama na Chama chao cha Demokrasia na Maendeleo (CHADEMA).Akizungumzia jambo hilo leo Mei 16, 2022 katika ofisi za LHRC, jijini Dar es salaam, wakati akiongea na Haki Tv, Afisa uchehemuzi wa LHRC, Maduhu William amesema kuwa ni sawa Spika Dkt. Tulia kuendelea kusubiri mamlaka ya mwisho ya utoaji haki ambayo kwa mujibu wa Katiba ya Jamhuri ya Muungano wa Tanzania ibara ya 107 (A) “mamlaka yenye kauli ya mwisho ya utoaji haki katika Jamhuri ya Muungano wa Tanzania ni Mahakama,”Uchambuzi: Spika yuko sawa sakata la kina Halima Mdee, Ameheshimu Muhimili https://t.co/OudIB9GM8s via @YouTube #Tanzania #HumanRights— LHRC (@humanrightstz) May 16, 2022 Aidha, katika hatua nyingine, leo jioni ya Mei 16, 2022 “MAHAKAMA Kuu Kanda ya Dar es Salaam imeridhia maombi ya Mbunge wa Viti Maalumu Chadema, Halima Mdee na wenzake 18 kutaka kuendelea na nafasi zao za Ubunge hadi pale mahakama itakaposikiliza shauri lao waliyoyawasilisha mahakamani hapo na kutoa uamuzi.” Habari leo
Ujerumani, Uingereza na China zafungua ofisi za ubalozi Dodoma
Naibu Waziri wa Katiba na Sheria, Geofrey Pinda amesema kuwa mpaka sasa balozi za nchi 3 tayari zimekwisha kufungua ofisi zake jijini Dodoma ikiwa ni kuhakikisha inaendana na sera ya serikali ambayo inahamasisha Balozi zote na mashirika ya kimataifa kuhamia jijini Dodoma yalipo makao makuu ya nchi.Leo Mei 16, 2022, Bungeni - Dodoma, Akijibu swali la Mbunge wa Chumbuni, Ussi Pondeza ambalo lilijielekeza kujua iwapo kuna nchi yoyote imekwishafungua ubalozi wake Jijini humo, Naibu Waziri Pinda amezitaja nchi hizo kuwa ni ubalozi wa Ujerumani, Uingereza na China.Pia, ameeleza kuwa juhudi ya kuendelea kuzishawishi nchi nyingine kufungua ofisi zake za ubalozi katika jiji hilo zinaendelea ili kusogeza huduma za kibalozi katika mji mkuu huo. Aidha, ameeleza kuwa baadhi ya mashirika ya kimataifa kama Umoja wa mataifa (UN) na mashirika tanzu yamekwisha kufungua ofisi zake jijini humo.
Mwanamke ateuliwa kuwa mgombea mwenza wa Raila Odinga
Waziri Mkuu wa zamani wa Kenya, ambaye pia ni mgombea Urais wa nchi hiyo, Raila Odinga ametangaza kumteua Bi. Martha Karua kuwa mgombea mwenza katika mbio hizo za kwenda Ikulu kupitia Muungano wa AzimioBw. Raila Odinga ametangaza kufikia hatua hiyo leo Mei 16, 2022 katika mkutano wa ukumbi wa Kenyatta, Nairobi kama maandalizi ya njia za kuingia Ikulu mnamo mwezi Agosti, 2022.Bw. Odinga amenukuliwa akisema, "Baada ya kutafuta na kutafakari, pamoja na mashauriano, nimefikia uamuzi kwamba anayeshikilia nafasi hii lazima awe mwanamke," Kabla ya kumtangaza Bi. Martha Karua, Bw. Odinga alizitaja sifa za mwanaharakati huyo na mwanasiasa mkongwe nchini humo.
Wizara ya afya yakiri kuwa na upungufu wa 53% ya watumishi
Wizara ya Afya imekiri kuwa na upungufu wa 53% ya mahitaji yake yote ya watumishi huku ikisema kuwa watumishi waliopo ni 47% tu na hivyo kupelekea kusuasua kwa upatikanaji wa huduma bora za afya katika baadhi ya maeneo nchini.Tathimini hiyo imetolewa leo Mei 16, 2022 na Waziri wa afya, Ummy Mwalimu bungeni jijini Dodoma wakati akiwasilisha bajeti ya wizara hiyo ya mwaka wa fedha wa 2022/2023 ambapo wizara hiyo imeomba kupitishiwa jumla ya shilingi za kitanzania Trilioni 1.109.Kuhusu hali ya upatikanaji wa watumishi wa huduma za afya, Waziri huyo amenukuliwa akisema“Upatikanaji wa rasilimali watu katika sekta ya afya upo katika kiwango cha asilimia 47 ya mahitaji yote na hivyo kuwepo kwa upungufu kwa kiwango cha asilimia 53,” Ummy Mwalimu Aidha, Jambo hilo linaleta sintofahamu ya kwanini serikali inaendelea kuwa na kasi ndogo ya kuajiri watumishi wa afya kutokana na kuwepo kwa kundi kubwa la wasomi wa kada hiyo wakihangaika mtaani kwa kukosa kazi ingali umahiri wao unahitajika katika kuokoa maisha ya wananchi.
Spika Tulia Ackson ashindwa kuwafukuza akina Halima Mdee na wenzake 18 licha ya kutokupata katazo la Mahakama
Spika wa Bunge la Jamhuri ya Muungano wa Tanzania, Dkt. Tulia Ackson amesema kuwa ameshindwa kuchukua uamuzi ya kuwafukuza wabunge 19 wa viti maalumu walioingia kwa tiketi ya chama cha Demokrasia na Maendeleo (CHADEMA) kufuatia wabunge hao kufutwa uanachama na Baraza kuu la chama hicho hapo Mei 11, 2022 kwasababu wabunge hao wamekata rufaa ya kupinga uamuzi huo katika Mahakama kuu ya Tanzania kanda ya Dar es salaam.Leo Jumatatu Mei 16, 2022, Spika Dkt. Tulia amekiri kupokea barua hiyo ya Chadema (Mei 13, 2022) iliyoeleza wazi kuwa Baraza kuu la Chama hicho limepitisha maamuzi ya kamati kuu ya kuwafuta uanachama wabunge hao 19, lakini pia, kabla ya kupokea barua hiyo, tayari alikuwa amekwishapokea (Mei 12, 2022) barua za wabunge hao 19 wa viti maalumu zilizomjulisha kuwa wamefutwa uanachama na chama chao ila hawajiridhika na maamuzi hayo na hivyo wamekata rufaa ya kupinga uamuzi huo katika Mahakama kuu kanda ya Dar es salaam.Kwa kile alichodai kuheshimu mamlaka ya mhimili mwingine, Spika Tulia amenukuliwa akisema “Bunge haliwezi kuingilia mchakakto wa Mahakama na badala yake linaendelea kusubiri mpaka mahakama itakapo toa hukumu ya shauri hilo,”Hatua hiyo ya Spika Tulia inatoa nafasi kwa wabunge hao 19 wa viti maalumu kuendelea kuwepo bungeni na kuhudumu kama wabunge huku wakiendelea kupata stahiki zao zote ikiwepo mshahara na posho na faida zote za kibunge.Aidha, kufuatia uamuzi huo wa bunge, watu mbalimbali wametoa maoni yao juu ya jambo hilo huku wakiinganisha na tukio la aina kama hiyo lililotokea mwaka 2017 ambapo Chama CUF kiliwafuta uanachama wabunge wake 8 na Spika Job Ndugai kuamua kuwafuta ubunge licha ya shauri hilo kwenda mahakamani. Naye, Mwanasheria Jebra Kambole ameoneshwa kushangazwa na uamuzi huo ambao siyo wa kawaida na kuuita huo ni usanii tu.
Somalia yapata Rais mpya
Bunge la nchi ya Somalia limepiga kura ya kumchagua Rais mpya wa nchi hiyo, huku Hassan Sheikh Mohamud ambaye alikuwa Rais wa nchi hiyo kuanzia 2012 hadi 2017 kuchaguliwa kushika tena madaraka ya kuiongoza nchi hiyo.Katika kura iliyopigwa jana Mei 15, 2022 na wabunge wa nchi hiyo mjini Mogadishu iliweza kuhusisha wagombea 36, na Bw. Hassan Sheikh Mohamud aliweza kupata kura 165 na kuibuka na ushindi huo wa kuingia Ikulu.Ikumbukwe kuwa nchi hiyo ipo katika katazo la kutoka nje usiku “lockdown” iliyowekwa na mamlaka ili kukabiliana na ongezeko kubwa la matukio ya kigaidi yanayolikumba nchi hiyo.Licha ya katazo la kutoka nje usiku, Baada ya matokeo hayo kutangazwa wafuasi wa Rais Mohamud walijitokeza kusherehekea ushindi huo ndani ya viunga vya nchi hiyo. Aidha, watu wengi wanaamini kuwa ushindi wa Rais huyo wa zamani utaweza kuziba ombwe la kisiasa lilipo katika nchi hiyo yenye machafuko mengi.
Wadau Wapania Kuzuia Maambukizi Mapya ya UVIKO-19
Wadau kutoka sekta mbalimbali ikiwemo Asasi za Kiraia, vyombo vya maamuzi, viongozi wa serikali, wataalamu wa afya na watu wenye ushawishi mkubwa nchini wanatarajiwa kukutana ili kujadili na kuunda mkakati wa pamoja wa namna bora ya kuzuia maambukizi ya UVIKO-19 katika jiji la Dar es Salaam.Mkutano huo ambao utajumuisha jumla ya washiriki 100 kutoka makundi mbalimbali, wajumbe 50 kutoka kwenye Asasi za Kiraia, wajumbe 5 kutoka kwenye vyombo vya maamuzi na wajumbe 25 wakiwa ni watu wenye ushawishi ndani na nje ya mkoa wa Dar es salaam watajengewa uwezo kuhusu masuala mbalimbali yanayohusu janga la UVIKO-19 ikijumuisha uelewa juu ya ugonjwa huo, mbinu za kukabiliana nao, na namna ya kupunguza athari zitokanazo na janga hilo.Baada ya mafunzo hayo na majadiliano ya wajumbe hao, wajumbe watakuja na mpango mkakati maalumu wa pamoja utakaojikita kuongeza uelewa juu ya UVIKO-19, mbinu za kukabiliana na ugonjwa huo pamoja na mbinu za kuendelea kuishi kwa ustahimilivu kufuatia athari zilizosababishwa na janga la UVIKO-19.Mkutano huo wa siku nne wenye lengo la kuwajengea uwezo wajumbe hao unaotegemewa kuanza Jumanne Mei 17 hadi Ijumaa Mei 20, 2022, Dar es Salaam, utafunguliwa na Mganga Mkuu wa Serikali, Dkt. Aifello Wedson Sichwale.Akizungumzia juu ya kufanyika kwa mkutano huo, Bi. Fortunata Temu, Mwanzilishi na Mkurugenzi Mtendaji wa taasisi ya My Legacy ambao ndiyo waandaaji wakuu wa mkutano huu amesema kwamba hatua hii imelenga kusaidia juhudi za serikali zinazofanywa na Wizara ya Afya katika mapambano ya kuzuia kusambaa kwa maambukizi ya virusi vya korona nchini. “Kwa siku za hivi karibuni, watu wengi wamejisahau kufuata hatua za kudhibiti na kujilinda na maambukizi ya UVIKO-19. Katika akili zetu tunapaswa kuelewa kuwa ugonjwa huu haujaisha na hivyo tunapaswa kuendelea kuishi nao ila kwa kuchukua tahadhari zote. Ugonjwa wa UVIKO-19 bado upo licha za juhudi mbalimbali za kukabiliana nao kuchukuliwa. My Legacy na washirika wetu kama AMREF Tanzania na Global Fund tumeamua kushirikiana ili kuunga mkono juhudi za serikali na wadau wengine kuhakikisha kuwa kila raia nchini anakuwa salama dhidi ya maambukizi ya virusi vya korona.” Bi. Fortunata Temu alinukuliwa.Akizungumzia kwa ujumla lengo la mkutano huu, Mkuu wa Programu katika taasisi ya My Legacy, Bi. Nancy Minja alinukuliwa akisema, “Tangu mwanzoni mwa mwaka 2021, My legacy imekuwa ikifanya kazi ya kutoa elimu ya uelewa na mbinu za namna ya kujikinga dhidi ya maambukizi ya UVIKO-19, kutoa msaada wa vifaa vya kunawa mikono katika maeneo yenye wingi wa watu pamoja na kutoa elimu ya ujasiriamali kwa vijana na wanawake ili waweze kujimudu kiuchumi,”“Kupitia mkutano huu, My legacy tutawajengea uwezo wadau wetu wa Dar es salaam kwa kuwapatia maarifa ya uelewa na mbinu za kuzuia maambukizi mapya ya UVIKO-19. Pia tumelenga kufanya mkutano huu kuwa jukwaa la wadau kushirikishana uzoefu juu ya namna nzuri ya kupambana na janga hili pamoja na kujadili na kuja na mpango maalumu wa kutoa elimu ya uelewa na njia bora za kudhibiti maambukizi na kushawishi wananchi kupata chanjo za UVIKO-19. Hivyo, lengo letu kwa ujumla ni kuhakikisha tunapunguza na kuondoa changamoto za kiuchumi na kijamii zinazotokana na athari za ugonjwa wa UVIKO-19.” Bi. Minja, aliongeza
Jeshi la Polisi nchini lajipanga kwa ujio mkubwa wa Watalii baada ya uzinduzi wa Royal Tour
Jeshi la Polisi nchini limesema kuwa limejipanga vyema kuimarisha ulinzi na usalama baada Rais wa Jamhuri ya Muungano wa Tanzania na Amiri Jeshi Mkuu, Samia Suluhu Hassan kuzindua filamu ya “The Royal Tour” hivi karibuni kwa lengo la kuutangaza utalii na kutengeneza fursa zinazoambatana na shughuli hizo za kitalii.Akitoa taarifa hiyo kwa niaba ya Msemaji wa Jeshi la Polisi Nchini, Kamanda wa Polisi Mkoa wa Arusha, Kamishna Msaidizi wa Polisi ACP. JUSTINE MASEJO amesema Jeshi hilo limeanzisha kitengo maalumu cha Utalii na Diplomasia ambacho kipo kwa ajili ya kuwahudumia Watalii na Wanadiplomasia wanaofika nchini kwa shughuli za kitalii.ACP. Masejo aliongeza kuwa, katika mkoa wa Arusha ambapo ni kitovu cha utalii nchini kumeanzishwa kituo cha Polisi maalumu kwa ajili ya kuhudumia Watalii na Wanadiplomasia ambapo Askari wake wamepatiwa mafunzo mbalimbali ndani na nje ya Nchi juu ya namna bora ya kuhudumia watalii. Pia, amesema kuwa kuna magari maalumu ambayo hutumiwa na kituo hicho kwa ajili ya doria mbalimbali ikiwemo kwenye vivutio vya utalii, hoteli za kitalii pamoja na maeneo mengine ambayo wageni hupenda kutembelea.Sambamba na hilo amesema kuwa kuna vituo vidogo vya Polisi vilivyopo katika wilaya ya Arumeru, Monduli, Longido, na Karatu ambapo magari ya utalii hufika kwa ajili ya kupata taarifa za kitalii pamoja na ukaguzi wa usalama wa magari hayo. Aidha, Aliongeza kuwa Jeshi la Polisi Nchini litaendelea kumuunga mkono Rais Samia katika juhudi zake za kutangaza utalii kwa kuboresha mazingira ya kiusalama na kudumisha Amani kwa watalii wanaofika nchini.
Korea Kaskazini yatangaza visa vya Corona, Rais Kim Jong Un aagiza Lockdown
Shirika la habari la Korea kaskazini (KCNA) limeripoti uwepo wa mlipuko wa ugonjwa wa Uviko 19 (Corona) kwa mara ya kwanza tangu ugonjwa huo ugundulike na kusambaa duniani kote miaka 2 iliyopita.Katika taarifa yake ya leo Mei 12, 2022, KCNA imesema kufuatia kirusi aina ya Omicron kugundulika katika mji mkuu wa Pyongyang, Rais Kim Jong Un ameagiza nchi hiyo kufungwa “Lockdown” pamoja na kuhakikisha hatua nyingine za kukabiliana na ugonjwa huo zinachuliwa mara moja.imeelezwa kuwa baada ya wakazi wengi wa Pyongyang, Korea Kaskazini kuwa na dalili za homa, mamlaka za afya ziliwapima na kubaini kuwa wakazi hao wana maambukizi ya ugonjwa wa Uviko 19.Korea Kaskazini ilikuwa ni nchi pekee duniani ambayo haikuwahi kutangaza kuwa na kisa chochote cha Uviko 19 kwa zaidi ya miaka 2 iliyopita huku nchi zingine duniani zikiwepo jirani zake kama China, Japan, Korea Kusini na nyinginezo zikitangaza kuwa na visa vingi vya wagonjwa wa Uviko 19. Pia, Korea Kaskazini ambayo inakadiriwa kuwa na raia Milioni 26, hapo awali iligomea kupokea msaada wa chanjo za Uviko 19 zilizotolewa na Shirika la afya duniani (WHO) na nchi nyingine zilizoendelea (COVAX).
Ukraine yatuhumiwa kufanya shambulizi katika kijiji nchini Urusi
Vyacheslav Gladkov, Gavana wa jimbo la Belgorod lilipo nchini Urusi amesema kuwa mtu mmoja ameuawa na wengine saba kujeruhiwa katika kijiji cha Solokhi jimboni hapo baada ya shambulio linalodhaniwa kufanywa na Jeshi la nchi ya Ukraine ndani ya ardhi ya Urusi.Katika taarifa iliyoripotiwa leo Mei 12, 2022 na kituo cha habari cha Al Jazeera imeeleza kuwa bado inaendelea kutafuta uthibisho wa taarifa hizo kutoka kwa mamlaka za Urusi.Gavana huyo amenukuliwa akiandika katika mtandao wake wa Telegram kuwa “Watu saba wamejeruhiwa. Kila majeruhi kapatiwa matibabu bora na usaidizi wa kutosha. Pia, mtu mmoja amefariki. Tutaendelea kutoa msaada wa mahitaji muhimu kwa wahanga na familia ya marehemu,” Aidha, Ikiwa itathibitishwa kuwa ni kweli kijiji hicho kinachokaliwa na watu zaidi ya 638, Kilometa 20 kutoka katika mpaka wa nchi hizo (kaskazini mwa Kharkiv- Ukraine) kimeshambuliwa, basi hilo litakuwa ni shambulio la kwanza kufanywa na nchi ya Ukraine ndani ya ardhi ya Urusi tangu nchi hiyo ilipoanza Kuishambulia Ukraine.
Mwandishi wa Al Jazeera auawa kwa kupigwa risasi na vikosi vya Israel
Shirika la habari la Al Jazeera limelaani kutokea kwa kifo cha mtangazaji wake, Shireen Abu Akleh (51) ambaye ameuawa kwa kupigwa risasi usoni wakati akiripoti oparesheni iliyodaiwa kulenga kuzuia ugaidi iliyofanywa na Jeshi la Israel dhidi ya baadhi ya raia wa Palestina waliopo katika eneo la West Bank ambapo ni mpaka wa Israel na Palestina.Katika taarifa yake leo Mei 11, 2022 imeelezwa kuwa mwandishi huyo mwenye uraia wa Palestina na Marekani ameuawa huku akiwa amevaa kaushi ya kumkinga risasi za kifua kilichomtambulisha kuwa yeye ni mwandishi wa habari.Shirika hilo limezitaka jamii za kimataifa kuhakikisha zinafanya uchunguzi wa tukio hilo huku likituhumu vikosi vya Israel kufanya mauaji hayo ya kikatili na kutaka Israel kuchukuliwa hatua za kisheria kufuatia kusababisha mauaji ya mwandishi huyo mkongwe ambaye amekuwa akiripoti habari za eneo hilo tangu alipojiunga na Al Jazeera mwaka 1997.Katika vurugu hizo imeelezwa kuwa pia mwandishi wa habari mwingine mwenye asili ya Palestina anayetokea kwenye shirika la habari la al-Quds, Ali Samudi amejeruhiwa katika vurugu hizo.Kufuatia mauaji hayo ya Bi. Shireen, Waziri Mkuu wa Israel, Naftali Bennett amesema kuwa kulingana na taarifa za kijasusi alizopewa ni kwamba mwandishi huyo alipigwa risasi na mmoja ya raia wa Palestina aliyekuwa na silaha. Maelezo ya Bw. Bennett yanatofautiana na maelezo ya Waziri wa Afya wa Palestina na Shirika la Al Jazeera yaliyoadai kuwa vikosi vya nchi ya Israel ndiyo vilivyohusika na mauaji hayo.
Zama za Rais Duterte zafikia tamati, Ufilipino wafanya uchaguzi mkuu
Wananchi wa taifa la Ufilipino wamejitokeza kupiga kura katika vituo mbambali vilivyopangwa ili kuweza kumchagua Rais mpya wa taifa hilo atakayepokea kijiti kutoka kwa Rais Rodrigo Duterte.Uchaguzi Mkuu huo uliofanyika leo Mei 09, 2022 umewakutanisha mtoto wa Rais wa zamani Ferdinand Marcos Sr (Ferdinand “Bongbong” Marcos Jr) na Makamu wa Rais wa nchi hiyo, Leni Robredo.Tume ya uchaguzi imetangaza kuwa vituo vitafungwa saa 1 jioni huku watu watakao kwenye foleni hata baada ya muda huo wataruhusiwa kupiga kura.Ikumbukwe kuwa mwaka 2016 wagombea hawa wawili walikutana katika kinyang’anyiro cha nafasi ya makamu wa rais wa nchi hiyo na Leni Robredo aliibuka kidedea dhidi ya Ferdinand Marcos Jr. Ingawa kwasasa utabiri unaonesha kuwa Seneta huyo wa zamani, Bw. Ferdinand Marcos Jr. anapewa nafasi kubwa ya kushinda katika uchaguzi huu.
Mahakama nchini Ufaransa yamfungulia Bucyibaruta mashtaka ya kushiriki kwenye mauaji ya kimbali
Mahakama nchini Ufaransa imemfungulia kesi ya kushiriki kwenye mauaji ya kimbali ya mwaka 1994 nchini Rwanda, Laurent Bucyibaruta.Katika kesi hiyo iliyofunguliwa leo Mei 9, 2022 nchini humo imeeleza kuwa Bw. Bucyibaruta akiwa kiongozi wa juu wa serikali ya kipindi hicho nchini humo anatuhumiwa kushiriki kupanga mikakati iliyopelekea watu 800,000 kuuawa.Bw. Bucyibaruta anatuhumiwa kuwepo na kushiriki kwenye kikao cha ulinzi na usalama kilichoamua kutokea kwa mauaji hayo.Kesi hiyo ambayo imefunguliwa kufuata wanaharakati wa kushinikiza Bw. Bucyibaruta ambaye ni mkimbizi wa kisiasa nchini humo kufunguliwa mashtaka hayo ili haki itendeke.Kesi hiyo inategemea kuunguruma kwa muda wa miezi 2 huku zaidi ya mashahidi 100 wa upande wa mashtaka (wengine wakiwa wahanga wa mauaji hayo) wakitarajiwa kutoa ushahidi wao dhidi ya mtuhumiwa huyo. Kesi ya Bw. Bucyibaruta inakuwa ni kesi ya 4 ya mauaji ya kimbali ya nchini Rwanda kusikilizwa katika nchi hiyo.
Waziri Mkuu aomba kujiuzulu baada ya wafuasi wake kuwashambulia waandamaji wanaoipinga serikali
Waziri Mkuu wa Sri lanka, Mahinda Rajapaksa ameandika barua ya kujiuzulu kwa Rais wa nchi hiyo, Gotabaya Rajapaksa kufuatia wafuasi wake kuwashambulia wananchi walio katika maandamano ya kupinga serikali ya nchi hiyo kufuatia hali ya uchumi wan chi kudolora.Barua hiyo imewasilishwa leo Mei 09, 2022 katika Ikulu ya nchi hiyo iliyopo Colombo, huku taarifa ya kiongozi wa juu wa serikali ikinukuliwa ikisema “Waziri Mkuu amemuandikia Rais barua ya kutaka kujiuzulu kwake,”Imeelezwa kuwa zaidi ya watu 78 wamejeruhiwa katika vurugu hizo ambapo wafuasi wa Waziri Mkuu huyo walivamia waandamanaji na kuanza kuwashambulia kwa kuwachapa fimbo. Ikumbukwe kuwa Waziri Mkuu huyo ni mdogo wa damu wa Rais Gotabaya Rajapaksa.
Je, nawezaje kuilinda biashara yangu dhidi ya utapeli wa mitandaoni?
Unawezaje kuilinda biashara yako ya mtandaoni dhidi ya utapeli?Kama unafanya biashara ya mtandaoni kama vile kutafuta wanunuzi na kuuza bidhaa zake mtandaoni au kupata wateja wa huduma zako mtandaoni basi ni vyema ukawa na uelewa mkubwa zaidi juu ya uwepo wa matapeli ambao wanaweza kuidhuru biashara hiyo na hata kuiua kabisa kwa kuitapeli. Pia, siyo jambo la ajabu kusikia mfanyabishara akitapeliwa mtandaoni kwa njia ile ile aliyotapeliwa mwingine hapo awali au kwa njia nyingine tofauti kabisa kwani kila siku matapeli wa mtandaoni wamekuwa wakigundua njia mbalimbali za kuhakikisha wanakutapeli au kukuibia taarifa zako nyeti, pesa, tovuti yako na hata akaunti zako za mitandao ya kijamii.Kutokana na kuwepo kwa aina mbalimbali za utapeli wa mitandaoni sasa imekuwa ni vigumu kuwepo kwa njia moja mahususi kwa ajili ya kudhibiti tabia hizo, lakini kuna namna bora ambayo unaweza walau kujinusuru kabla ya kupatwa na janga hili. Utapeli wa kutumia viunganishi fekiMfano; unaweza kupokea ujumbe kutoka kwenye kampuni unayoijua unaokutaka wewe kupata tenda ya kuuza bidhaa zako kwake, au ujumbe kutoka kwenye benki yako unayotumia ukiomba taarifa zako za benki ili kutatua changamoto fulani hivyo wanakuambatanishia na kiunganishi kingine (Link) ambayo watakutaka uifungue ili kuweka taarifa hizo, na baada ya wewe kubonyeza kiunganishi hicho tayari unakuwa umewapa ruhusa ya kupakua taarifa zako.Ankara feki zikikutaka kufanya malipoBaadhi ya utapeli wa mtandaoni umekuwa ni ule ambao wafanyabiashara wengi wamekuwa wakipokea barua pepe zenye ankara feki za kufanya malipo mbalimbali na hivyo kujikuta kampuni au biashara yako imeibiwa.Kudukuliwa akaunti yakoHii ni aina ya utapeli ambao huhusisha kudukuliwa akaunti yako na ili kurudishwa kwa akaunti yako, matapeli huweza kukutaka uwalipe pesa, pia wanaweza kutumia taarifa za akaunti yako kuiba pesa zako au za wateja wako.Zingatia: Unaweza kuangalia vitu visivyo vya kawaida kwenye akaunti yakoNi vyema kutilia mashaka jambo lolote ambalo hulielewi kwa wakati huo katika akaunti yako au akaunti za wafanyakazi wako.Je, ni namna gani naweza kuilinda biashara yangu dhidi ya utapeli wa mtandaoni?Toa mafunzo ya usalama wa mtandaoni kwa wafanyakazi wakoNi jambo jema kuwapa wafanyakazi wako mafunzo ya kujilinda dhidi ya utapeli wa mtandaoni na kuwasisitiza kuripoti jambo lolote ambalo wanaona haliko sawa ikiwa ni pamoja na kuwafundisha kuacha kufungua kila kiunganishi (link) kinachokuja mbele yao.Usichangie nywila ya aina moja kwa akaunti zako mbalimbaliJambo hili litaweza kusaidia kukuepusha na mashambulio ya utapeli wa mtandao katika akaunti zako mbalimbali na hivyo kujikuta unapata majanga kwenye akaunti yako moja tu.Epuka kutuma nywila na taarifa muhimu kama taarifa za kibenki kwa njia ya barua pepe Hii inaweza kukuletea shida pale ambapo barua pepe yako inakuwa imedukuliwa na mdukuaji anaweza kupata taarifa zinazoweza kumrahisishia kukutapeli au kuiba taarifa mbalimbali.Thibitisha Ankara na malipoKila wakati unapofanya malipo ya Ankara ni vyema ukajiridhisha ikiwa malipo hayo yaliyolipwa yameombwa na kupokelewa na mtu sahihi, ili kujiridhisha zaidi unaweza kumpigia simu na kuthibisha au kupata maelezo zaidi.Chunguza usalama wa akaunti zako Ni vyema ukawa na mtu wako au kampuni inayoweza kuwa ikichunguza mara kwa mara mianya ya wadukuzi ili wasiweze kufanikiwa kila mara wanapotaka kukuingilia au kudukua akaunti yako.
Namna ya kutambua wapi ujuzi wako umebobea zaidi kuliko sehemu nyingine
Namna ya kutambua wapi ujuzi wako upo na umebobeaWengi wetu tumekuwa tukishindwa kujifanyia tathimini ya uwezo wetu katika mambo mbalimbali hasa katika sekta ya ajira ambapo tumekuwa tukipata changamoto kubwa zaidi kujua wapi ujielekeze zaidi ili uweze kubobea katika eneo hilo kuliko maeneo mengine.Angalia ulipowahi kupewa cheti cha kutambua mchango wako/zawadi ya ushindi Angalia kama umewahi kupewa cheti cha kutambuliwa kinachoonesha mafanikio yako au mchango wako kwenye jambo fulani, au je umewahi kupewa zawadi ya kuwa mshindi wa ujuzi Fulani? Mfano; umetambuliwa kuwa mwanadiplomasia bora anayechipukia, mtengenezaji bora wa graphiksi, umesaidia kutengeneza na kurekebisha sera katika kada yoyote? Mafanikio haya yataeleza wazi kuwa hujabahatisha kuyapata bali umejiandaa na umefuzu kufanya hivyo ndiyo maana umepewa utambulisho maalumu na si vinginevyo.Waulize wanafunzi, walimu, au wafanyakazi wenzakoNi vyema kuwauliza hawa kwani wao ndiyo hukiona zaidi kile unachokifanya kwa muda mwingi katika kazi yako na hivyo wataweza kukupa maoni mazuri zaidi kwani ndiyo huwa wa kwanza kugundua unapokosea na kufanikiwa kwenye jambo lako unalolifanya. Kumbuka kuwa hawa wanaweza kuwa wanafunzi, walimu au wafanyakazi wenzako wa sasa na wazamani ili Zungumza na wataalamu wanaofanya kazi kwenye kada hiyoNdiyo ni vyema ukazungumza na watalaamu wabobezi wa aina yako wanaofanya kazi mahali pengine ili kuweza kupata ushauri wa wapi utakuwa bora Zaidi kuliko mahali pengine, ni rahisi wao kukushauri kwani tayari wanaujuzi na uzoefu zaidi hivyo wataweza kukushauri vyema zaidi.Orodhesha juzi zako zote kwa msimamo kutoka ule unaotumia zaidi mpaka ule ambao huutumii zaidi Ili kujua wapi umebobea zaidi kuliko sehemu nyingine ni vyema ukaupanga ujuzi wako kwa umhimu na namna unavyoumudu kutoka kwenye ule ambao unaumudu Zaidi mpaka kwa ule ambao unaumudu kidogo (bado unajifunza.)
Rais Samia Mgeni Rasmi Maadhimisho ya Uhuru wa Vyombo vya Habari 2022
Rais wa Tanzania, Samia Suluhu Hassan, mwezi Mei ataadhimisha Siku ya Uhuru wa Vyombo vya Habari Duniani 2022 jijini Arusha kama mgeni Rasmi.Tukio hilo litashuhudia Jumuiya ya Wahariri wa Afrika Mashariki (EAES) likiadhimisha na kujadiliana kuhusu masuala ya uhuru wa vyombo vya habari huku kauli mbiu ikiwa ni Uhandishi wa habari na digitaliAkithibitisha taarifa hiyo, Mwenyekiti wa Jukwaa la Wahariri Tanzania (TEF) Deodatus Balile amekiri kuwa ni heshima kwa Rais kukubali mwaliko huo."Rais anachochea ukuaji wa upatikanaji wa habari na uhuru wa vyombo vya habari nchini Tanzania," alisema katika taarifa kwa vyombo vya habari iliyotolewa kwa The Citizen mnamo Jumanne, Aprili 5.Mkutano huo utalenga kujadili ukuaji wa data na akili bandia (AI) kwa ajili ya mageuzi ya vyombo vya habari barani Afrika, pamoja na athari za uandishi wa habari na uhuru wa kujieleza kwenye maendeleo endelevu.Pia kutakuwa na mijadala juu ya maendeleo ya kidigitali na changamoto zinazohusiana na usawa wa kijinsia na uwezeshaji wa wanawake (GEWE) katika vyombo vya habari vya umma na utoaji wa habari.Orodha ya ajenda pia itajumuisha mjadala kuhusu uwajibikaji wa vyombo vya habari katika nyakati hizi za kidijitali kama njia ya uthabiti na athari na udhibiti wa faragha, ufuatiliwaji mitandaoni na namna habari zinavyoweza kusambaratisha imani ya wananchi kwa serikali.Mwenyekiti wa EAES, Churchill Otieno alisema kuandaa kongamano hilo nchini Tanzania litakalohudhiriwa na Rais Samia ni ishara kubwa zaidi kwamba bara la Afrika lipo tayari kuhabarisha na kuangazia jamii na kutoa changamoto. Mkutano huo unaratibiwa na washirika wa kimataifa na wa ndani na kamati ya maandalizi ambayo inajumuisha Shirika la Umoja wa Mataifa la Elimu, Sayansi na Utamaduni (UNESCO), TEF na washirika wengine ambao ni sehemu ya Muungano wa Haki ya kuhabarishwa.
Rais Samia atengua uamuzi wa January Makamba juu ya kuondoa tozo ya Tsh. 100 kwa kila lita ya mafuta
Rais Samia Suluhu Hassan ametangaza kuwa baada ya kupitia kwa kina suala la bei ya mafuta, ametengua uamuzi wa Waziri wa Nishati, January Makamba wa kuondoa Tozo ya Tsh 100 kwenye kila lita 1 ya mafuta kwa kudai kuwa ufutwaji wa tozo hizo usingeweza kutoa unafuu wowote kwa wananchi hivyo tozo hiyo itaendelea kutozwa.Rais Samia amesema hayo leo Jumatano Machi 30, 2022 jijini Dodoma wakati akipokea ripoti ya Hesabu za Mdhibiti na Mkaguzi Mkuu wa serikali (CAG) kwa mwaka wa Fedha wa 2020/2021. Rais Samia amewataka viongozi wake kuwaeleza wazi wananchi kuhusu mabadiliko ya uchumi wa dunia hasa namna bidhaa mbalimbali zinavyopanda bei kutokana na athari za ugonjwa wa Uviko 19 pamoja na vita inayoendelea kati ya Urusi na Ukraine.
Vitu 5 vya Kumfanyia Mpenzi wako Wakati Akiwa Kwenye Siku za Hedhi
Kama mume au mchumba umekuwa ukiwaza umfanyie nini mpenzi wako katika siku zake za hedhi, maana kama tunavyojua siku za hedhi ni siku ngumu sana kwa baadhi ya wanawake. Wengine hupata maumivu makali sana ya tumbo, kichwa siku au wengine huwa wanapoteza hamu ya kula na hisia zao hubadilika. Mabadiliko ni mengi ambayo ni ya kawaida kwa kila mwanamke. Unaweza ukamnunulia mpenzi wako vitu vifuatavyo kuonesha unamjali na kumthamini: 1. ChokoletiWanawake wengi wakiwa kwenye siku zao hupenda kula vitu vitamu tamu, hivyo ukimnunulia chokoleti haswa ile nyeusi itamsaidia kufurahisha kinywa chake na pia chokoleti nyeusi ina potassium nyingi ambayo inasaidia misuli ya mwili kufanya kazi bora wakati unapopata maumivu. Utakuwa umemsaidia Sanaa mpenzi wako ikiwa na yeye hupata maumivu wakati wa siku zake. 2. Dawa za kutuliza maumivuKama mpenzi wako huwa anapata maumivu makali wakati wa siku zake unaweza ukamnunulia dawa za kupunguza maumivu kama vile: diclofenac, ibuprofen au paracetamol itamsaidia sana urudi katika hali yake ya kawaida. Kama mpenzi wako hapati maumivu sio lazima kumnunulia dawa hizi. 3.Nguo za ndani Unaweza ukamnunulia nguo za ndani ambayo atatumia siku akiwa kwenye hedhi, kwa mfano wanawake wengi hupenda kutumia chupi nyeusi wakati wa siku zao ili hata ikichafuka isiwe ngumu kuifua tofauti na zenye rangi nyeupe, kijivu maana nirahisi kuonesha madoa. Ukifanya hivi inaonyesha unamthamini mpenzi wako na unaelewa kitu anachokipitia. 4. Chai ya tangawiziChai hii ni nzuri kwa wale wanawake wenye hedhi nzito, hivyo kama mpenzi wako anapata hedhi nzito yaani nyingi, chai ya tangawizi inasaidia kupunguza hedhi hiyo. Unaweza ukamtengenezea chai ya tangawizi kisha ukamuandikia na maneno flani ivi ya upendo kwenye kadi. Hii itamfanya awe na furaha na hedhi yake ikawa nzurii sana kuliko siku zote. 5. Chupa ya maji ya motoUnaweza ukamnunulia mpenzi wako chupa ya maji ya moto kwani inasaidia kupunguza maumivu. Kwa vile tumbo mara nyingi hutokea kutokana na tishu za misuli kukosa oksijeni, inaweza kusemwa kuwa kuongeza mtiririko wa oksijeni kutapunguza maumivu. Hewa safi na mazoezi ni suluhisho rahisi kusaidia kutuliza tumbo. Joto inayotoka kwenye chupa au pedi yenye joto inajaza mtiririko wa damu oksijeni na kuifanya iendelee kusukuma damu kutoka vizuri bila maumivu yeyote. Ukifanya hivi kwa mpenzi wako unasaidia kudumisha upendo na kuonyesha umuhimu wako katika maisha yake, na hata ikitokea mkagombana itabaki kumbukumbu kwani wanaume wengi huwa hawasaidii wanawake wao katika nyakati za hedhi wakichukulia ni jambo la kawaida.
Kwanini Unajihisi Uchovu Mara kwa Mara?
Ushawahi kujihisi huna nguvu au unajihisi upo chini kimawazo na kiakili? Kama umekuwa ukihisi mabadiliko ya hapa na pale mwilini na kujisikia uchovu wa mwili mara kwa mara, huenda unasumbuliwa na maradhi haya 1. KisukariHuenda ukawa unaumwa ugonjwa wa kisukari bila kujua, na hizi ni dalili za kwanza kabisa za kisukari. Mtu huwa anajihisi kizunguzungu, huhisi njaa na kupata haja ndogo mara kwa mara. Ukiona hali hiyo imezidi kwa siku ni vyema ukaenda hospitali ukapime. Lakini sio kisukari tu huleta dalili hizi, tuendelee kusoma. 2. Kutopata usingizi wa kutoshaWakati mwingine kukosa usingizi wa kutosha ni jambo ambalo linapuuzwa sana kwani baadhi hudhani kwamba kulala ni uzembe bila kujua kuwa kulala hupelekea ustawi wa afya ya mwili. Unapouzuia mwili kupumzika ipasavyo mwili unakuwa unachoka na kushindwa kufanya kazi inavyotakiwa ndio maana inakufanya uhisi uchovu. 3. Kukosa madini mwiliniKutokosa nguvu na kuhisi kizunguzungu ni dalili za mwili kukosa virutubisho muhimu. Kutopata chakula bora ni sababu ya mwili kukosa nguvu. Hivyo unapaswa ule chakula bora chenye protini ili kufanya mwili wako uwe imara na uchangamke. Kwani madini husaidia katika uzalishaji wa homoni na mmeng’enyo wa chakula kwa kufanya vimeng’enya vichangamke. 4. Kutokunywa maji ya kutoshaMaji ndiyo kila kitu kwenye mwili wa mwanadamu na zaidi ya 60% ya uzito wa mwili wa binadamu ni maji. Mwili usipopata paji hushindwa kufanya kazi mbalimbali kwani husaidia viungo kama figo kufanya kazi vyema na kuondoa sumu mwilini. Maji husaidia katika uyeyushaji wa chakula, usafirishaji wa virutubisho na ufyonzwaji wa virutubishi mwilini. Mwili hukosa nguvu na kulegea kama usipopata maji ya kutosha. 5. Dalili za shinikizo la damu Mwili kukosa nguvu mara kwa mara na kuhisi kizunguzungu sio jambo la kupuuziwa na unapaswa uende hospitalini kuchunguzwa ili ikijulikana kama ni presha iweze kurudishwa katika hali ya kawaida. Inaweza ikawa ni presha ya kushuka ambayo inamaanisha kuwa nguvu ya damu inayotembea kwenye mishipa ya damu wakati moyo umepumzika badala ya kusukuma damu katika kila pigo. Pale unapohisi hali ya utofauti katika mwili wako ni vyema ukaenda hospitali ukachunguzwa na kupewa suluhisho bora.
Mambo 4 ya kuzingatia wakati wa kuambatanisha faili kwenye barua pepe
Wengi wetu tumekuwa tukifanya makosa mbalimbali wakati wa kuambatanisha mafaili kwenye barua pepe 'Email' tunazozituma na hivyo kumfanya mhusika kupata shida kubwa kuyafungua mafaili hayo, kuachana nayo na kupita bila kuyasoma na mengine kushindwa kuyaoni kabisa, hivyo ni vyema kama tukikumbushana namna bora ya kuyaambatanisha mafaili hayo ili yaweze kuonekana na kufunguliwa kirahisi kuliko mtu mwingine yeyote, soma zaidi hapa chini...1. Hakikisha faili lako lipo kwenye mfumo rafiki kwa msomaji wakoUnapaswa kuhakikisha kuwa faili unaloliambatisha kwenye barua pepe lipo kwenye mfumo rafiki ambapo kama msomaji wako atalipakua ataweza kulifungua kirahisi na kulisoma kirahisi, epuka kuweka faili kwenye mtindo ambao msomaji wako atahitaji kutafuta programu maalumu ili kufungua faili lako. Mara nyingi kwa hapa Tanzania mafaili yetu tumezoea kuyaambatanisha yakiwa kwenye mfumo wa Pdf.2. Jitahidi kutuma faili lenye ukubwa ambao ni rafiki kwa mpokeajiNi vyema ukaambatanisha faili ambalo halitamchosha mtu kwenye kulipakua kwa sababu ya ukubwa wake bali unapaswa kuangalia namna bora ya kutuma faili ambalo hata mpakuaji ataweza kulipata hata kukiwa na kasi ndogo ya mtandao, pia hata kama kifaa alicho nacho kina nafasi kidogo ya kupokea mafaili basi iwe rahisi faili lako kuingia.3. Unaweza kumtumia kiunganishi cha eneo liliko faili lako mtandaoni ‘link’Unapomtumia link mpokeaji wako unakuwa umemrahisishia kutoka kupakua mafaili hayo na badala yake anaweza kuyatazama na kuyasoma bila kuyapakua na hivyo kumuondolea usumbufu wa kupoteza muda, na bando wakati wa kupakua mafaili hayo.4. Epuka kumtumia mafaili mengi yasiyohitajikaNi vizuri kuzingatia kutuma viambatanisho vya taarifa zinazohitajika tu na si vinginevyo. Epuka kuambatanisha taarifa ambazo hazijaombwa au hazihitajiki kwenye barua pepe hiyo. Kwa mfano tangazo la kazi linahitaji uambatanishe barua ya maombi ya kazi na Cv tu, lakini wewe unaamua kuongeza baadhi ya vitu vingine kama cheti cha kuzaliwa, barua ya mdhamini, vyeti vya mafanikio yako n.k
Je, unajua kutuma barua pepe zinazohitaji kuwa na kiambatanisho (attachment?)
Ujuzi wa kutumia barua pepe 'email' unaweza kukuongezea mafanikio makubwa katika shughuli zako za kimawasiliano kama vile kupata kazi, kukuletea wateja n.k. Je, unajua kuandika barua pepe zinazohitaji kuwa na kiambatanisho?Kiambatanisho (attachment) kwenye barua pepe ni faili llinalokuwa na maudhui ya picha, video, sauti zilizorekodiwa, maandishi yaliyowekwa kwa mtindo maalumu kama barua, wasifu, mahesabu, n.k ambavyo huambatainishwa kama vidhibiti ili kutoa maelezo zaidi kuhusu ujumbe uliotuma kwenye barua pepe hiyo.Zingatia: Mafaili ya barua pepe yanayaweza kuwa kwenye ukubwa wa aina mbalimbali kulingana na uzito wa taarifa zilizowekwa au kwenye mfumo wa aina mbalimbali.Kama ilivyo kwa taratibu nyingine za mawasiliano, pia kwenye suala la barua pepe unapaswa kuzingatia baadhi ya taratibu muhimu ili ujumbe wako uweze kufika na kueleweka bila tatizo kwa msomaji wako.1. Litambue faili unalotaka kulituma, na mahali linapopatikanaKabla hujaanza kuandika barua pepe yako ni vyema ukalitambua faili unalotaka kulituma na mahali ulipolihifadhi kwenye kifaa chako cha kielektroniki (Simu au Kompyuta) ili iwe rahisi wewe kujua wapi unalipata faili hilo unalotaka kulituma kama kiambata cha barua pepe yako.2. Andika kichwa cha barua pepe hiyo (kitakachoeleza lengo)Katika uandishi wa barua pepe inaelezwa kuwa ni vyema ukaandika kichwa cha barua pepe ili kumfanya msomaji atambue lengo lako.Mfano unamuandika Meneja wa kampuni Y kuhusu kuomba kazi kwenye kitengo cha ununuzi ni vyema ukaeleza kuwa hayo ni “Maombi ya kazi X katika kitengo cha manunuzi,” hivyo kumpa urahisi wa kujua nini lengo lako na nani anapaswa kushughulika na wewe.3. Andika barua pepe yenyewe.Hapo ndipo ulipo uwanja wako wa kutoa salamu, kuelezea jambo lako lote (Sifa, lengo n.k) kwa ufupi, elezea pia kama umeambatanisha vidhibitisho/maelezo zaidi, maliza barua kwa maneno ya shukrani na kumvutia mtu au kuhamasisha lengo lako kufanyiwa kazi na kisha jitambulishe kuwa wewe ni nani.4. Taja kama umeweka kiambatanisho kwenye barua pepe yako hiyoPamoja na kwamba barua pepe zenyewe huonyesha kuashiria kuwa zina kiambatanisho cha maelezo zaidi lakini baadhi ya watu husita kufungua kiambatanisho hicho kutokana na kuhofia kudukuliwa, hivyo basi ni vyema kama ukamtaarifu na kumtoa hofu kuwa kiambatanisho hicho umekituma wewe hivyo ni salama na pia ni lazima akisome ili kupata maelezo zaidi/ushahidi wa lengo la barua pepe hiyo.5. Ambatanisha faili unalohitaji kutumaBaada ya kumaliza kuandika ujumbe na maelezo ya Barua pepe yako ni vyema sasa ukaambatanisha faili lako lenye vitu hivyo kama barua ya kuomba kazi, CV, picha, risiti, sauti iliyorekodiwa, video n.k kwa kadri unavohitaji mafaili hayo yamfikie mlengwa wako. Zingatia kuwa inawezekana kutuma zaidi ya viambatanishi viwili kwenye barua pepe moja.6. Fanya mapitio ya barua pepe yako ili kujiridhisha kama iko sawaBaada ya kuweka kiambatanishi hicho kwenye barua pepe yako sasa kabla ya kutuma ni vyema ukapitia barua pepe nzima kuangalia kama kuna makosa madogo madogo kama kukosea herufi, kusahau kuweka baadhi ya viambatanisho vinavyohitajika n.k7. Tuma na hakiki kama imetoka Baada ya kufanya ukaguzi wa barua yako na kujidhirisha kama haina makosa basi unaweza kuituma kwa muhusika ambaye anapaswa kuipokea na kisha angalia kama imefanikiwa kwenda au imegoma, hivyo kama imegoma unaweza kuituma kwa mara ya pili.
Je, unajua kuandika Barua pepe rasmi?
Barua pepe rasmi/kikazi ni aina ya barua pepe ambayo huandikwa na kutumwa kwa kuzingatia mtindo wote wa mawasiliano ya kiofisi (rasmi). Tatizo la uandishi wa barua pepe rasmi limekuwa kubwa kwa wengi wetu na hivyo linazidi kutukosesha michongo mbalimbali ya kimaisha, yafuatayo ni mambo muhimu yanayopaswa kuwepo kwenye barua pepe rasmi yoyote utakayoiandika kwenda mahali popote.Anuani (barua pepe) ya mpokeaji/ mwandikiwa.Hii hufanya kazi kama ifanyavyo namba ya simu, unapotuma ujumbe utamfikia mtu mwenye anuani husika uliyoiandika na kutaka ujumbe wako kufika huko.Kabla ya kutuma ni vyema kuhakiki anuani unayotuma kama iko sahihi ili kuepuka kukosea na kufanya ujumbe wako kumfikia mtu tofauti na yule uliyemlenga.Lengo la barua/kichwa cha baruaHii ni sehemu ambayo ni muhimu kujazwa na kuandikwa kwa ufupi sana kuhusu lengo husika la ujumbe mzima uliopo humo. Hapa ndipo humfanya msomaji aendelee kusoma au aamue kuachana nayo.Ni muhimu kuandika kwa kifupi sana kwa mfano “Maombi ya kulipwa mshahara”, “taarifa ya kuhamisha ofisi” “taarifa ya uzinduzi wa bidhaa yetu mpya,” “Maombi ya kazi ya udaktari wa watoto” n.kZingatia: Unashauriwa kutumia maneno yasiyozidi 7 kwenye sehemu hii.SalamuHii jambo muhimu kuonesha uugwana wako wa kuanzisha maongoezi hivyo ni vyema ukamsalmia mpokeaji ili kujua afya yake.Unaweza ukawa unamfahamu au kutokumfahamu unayemtumia ila haizuii wewe kuacha kusalimia.Unaweza kutumia jina au baadhi ya maneno kulingana na unayemtumia, mfano: Habari yako ndugu Emanuel, Habari ya kazi ndugu mwajiri, Mpendwa mteja wetu unaendeleaje, n.kUtangulizi.Hapa ni mwanzo mwa barua pepe ambapo utaeleza wewe ni nani na kwa kwanini unaandika barua hiyo.Barua pepe kamili.Hii ni sehemu ambayo ndipo lilipo lengo zima la barua yako kwa kueleza kwa umakini ujumbe wako wote kwa kirefu ili msomaji apate kuelewa.Hapa utaeleza vizuri namna unavyotaka jambo lako liwe, kama kuna faili ambatanisho chini basi utaeleza hapa kuwa mpokeaji atapaswa kulifungua faili hilo na kulisoma ili kupata maelezo zaidi.MwishoHapa ndipo mwisho wa ujumbe wa barua pepe yako ni vyema kumsisitiza msomaji wa ujumbe wako namna ya ambavyo anapaswa kuzingatia barua hiyo kulingana na umuhimu wake kwenu wote.Pia, eleza ikiwa unaweza kupatikana endapo watakuwa na dukuduku, maoni au maswali yoyote basi wakutafute kwa njia hiyo ama wape njia nyingine (namba ya simu, wakuite mahali mjadili pamoja n.k) na mwisho onyesha neno la kushukuru kwasababu mtu huyo ametenga muda wake kusoma ujumbe huo.Jina lakoChini ya shukrani unapaswa kuandika jina lako kamili ili kuonesha kuwa wewe ndiye uliyeandika ujumbe huo (sahihi).Pia kama una cheo chochote na unataka msomaji akutambue kwa cheo chako unaweza kuandika cheo hicho. Zingatia: katika matumizi ya barua pepe hizo ni vyema kutumia aina ya maandishi (Font) ambayo inasomeka kirahisi kama vile Tahoma, Aerial, Calibri, Times New Roman n.k
MAISHA: Haya ni maswali 4 ambayo unapaswa kujiuliza kabla ya kupata mtoto
Wengi husema kuwa kupata mtoto ni baraka lakini hawatambui kuwa baraka hizo haziji kumiujiza kwani unapaswa kuzitengeneza wewe mwenyewe. Hivyo ni vyema kama ukajiandaa kutoa malezi bora kwa hapo baadaye.Je, kwanini umpatie mwanao mazingira magumu ya baadaye wakati una muda wa kutatua suala hilo mapema. Jiulize kwanza maswali haya Kabla hujaamua kupata mtoto,1. Je, una akiba ya fedha za kutosha/umewekeza vya kutosha?Sio lazima ila pesa ni muhimu sana kuwepo katika malezi ya mtoto hivyo ni vyema ukajitengeneza ili uweze kumudu mahitaji ya kifedha ya mtoto huyo pindi yanapohitajika kwa mfano pesa ya matibabu, mavazi, vyakula n.kHivyo kabla hujaanza kumtafuta mtoto huyo ni vyema ukawa na akiba ya kutosha ya fedha, au ukawa umewekeza kwenye biashara ili iweze ikusaidie kwa siku za hapo za baadaye.2. Una muda wa kumuangalia mtoto au unajua nani atamuangalia mtoto?Kabla ya kuanza kumtafuta mtoto ni vyema ukajua kama utaweza kupata muda wa kumlea na kumuangalia kwa ukaribu kwani malezi ya mtoto huhitaji umakini mkubwa sana.Kama unafanya kazi/biashara na unahisi hutakuwa na muda wa kutosha wa kumuangalia mtoto wako huyo, Je, umefikiria ni nani atakuwa anamuangalia mtoto wako huyo?3. Je, mwenza wako ni mtu sahihi kuzaa nae mtoto?Swali hili unapaswa kujiuliza kabla ya ndoa au kabla ya kujamiiana na mpenzi uliye nae ili kupata mtoto kwa kujiuliza, Je, anaweza kuwa mzazi bora kwa mwanao? Ni vyema ukatambua tu kuwa sio kila Mwanaume/Mwanamke anafaa kuwa mzazi mwenza hasa kwa ajili ya suala zima la malezi.Ni vyema kujua hili mapema kwani watu wengi hupata tabu kwa sababu ya kuchagua mpenzi ambaye sio sahihi hivyo basi wakati unachagua mpenzi wako mshirikishe Mwenyezi Mungu ili aweze kukupatia mwenza sahihi.4. Je, upo sawa/una utulivu wa akili?Je, wewe ni mtu wa hasira mda wowote? Una majeraha ambayo bado yanakutesa na unahisi kwamba hutaweza kuwa Baba/Mama bora wa mtoto huyo?Ni vyema ukaamua kupata mtoto wakati ambao utakuwa tayari kumpa upendo wote anaostahili na hili litatokea tu endapo huna majeraha katika akili yako na una utulivu wa kutosha kiakili. Nadhani mpaka hapo utakua una elimu ya kujua ni wakati gani sahihi wa kumpata mtoto ambaye utampa malezi bora ambayo anastahili kwa kuangalia maswali hapo juu.
DODOMA: Serikali kujenga Chuo cha ufundi chenye uwezo wa kudahili wanafunzi 3,000 kwa Tsh.Bilioni 17.9
Wizara ya Elimu, Sayansi na Teknolojia imetangaza kuanza ujenzi wa chuo cha ufundi jijini Dodoma ambacho kikikamilika kitakuwa na uwezo wa kudahili wanafunzi 3,000. Chuo hicho kinajengwa kwa gharama ya Tsh. Bilioni 17.9.Hayo yamesemwa leo Machi 9, 2022 na Waziri wa wizara hiyo, Prof. Adolf Mkenda wakati akieleza mafanikio ya mwaka 1 ya serikali ya Rais Samia Suluhu Hassan.Waziri huyo amenukuliwa akisema kuwa “Katika kuongeza nguvu kazi ya watu wenye ujuzi, Serikali inajenga Chuo cha Ufundi Dodoma ambacho kikikamilika ujenzi awamu ya kwanza kitadahili wanafunzi 3,000 kwa mwaka. Ujenzi wa Chuo hiki utagharimu Shilingi Bilioni 17.9,” Prof. Adolf MkendaWizara hiyo imesema kuwa inaendelea kuhakikisha juhudi za kuwaandaa watanzania kuwa na ujuzi ili kuwa na ushindani katika soko la ajira duniani. Aidha, Prof. Mkenda ameongeza kuwa “ndani ya mwaka mmoja Serikali imetoa Shilingi bilioni 3.45 ya ukarabati wa Vyuo 12 vya Maendeleo ya Wananchi vyenye uwezo wa kuchukua wanafunzi 250 kila kimoja na kuidhinisha matumizi ya bilioni 6.8 ya ununuzi wa samani katika Vyuo 34.”
Marekani yapiga marufuku kuingiza mafuta kutoka Urusi
Rais wa Marekani, Joe Biden ametangaza vikwazo vipya vya kuzuia nchi hiyo kununua mafuta na gesi kutoka katika nchi ya Urusi ikiwa ni shinikizo la kutaka Urusi kusitisha hatua yake ya kuivamia Ukraine kijeshi.Katika tangazo lake la jana Machi 8, 2022 Rais Biden amesema hayo wakati akiwatangazia wamarekani vikwazo vipya vilivyowekwa na nchi hiyo kwa Urusi.Vikwazo hivyo vinategemea kupandisha bei ya mafuta na gesi nchini humo hali itakayopelekea kuongezeka kwa bei za bidhaa na gharama za maisha nchini Marekani na duniani kote.Imeelezwa kuwa kwa mwaka 2021 tu, Marekani iliagiza mafuta ghafi yenye ujazo wa lita 209,000 bpd, Pamoja na lita 500,000 bpd za Petroli kutoka nchini Urusi. Aidha, nchi ya Uingereza imesema itaanza taratibu kupunguza uagizaji wa mafuta kutoka Urusi huku ikitegemea kusitisha kabisa uagizaji huo mwishoni mwa mwaka 2022.
Zilizobamba
Copyright © 2022 Serengeti Post. Powered by Serengeti Bytes